სვეტი

წინა კვირაში მოხმდარმა მოვლენებმა არაერთგვაროვანი დასკვნები დამიტოვა, დაწყებული მეტად პარადოქსალური დასკვნით. იმედგაცრუებული ვარ იმის გამო რომ ჩვენი საზოგადოება არაფრის გამკეთელია, მხოლოდ პროტესტი ისიც იმდენად უპრობლემოდ მოგვარებადი რომ შეიძლება ითქვას რომ ჩვენი ”უცნობი მამები” მინიმალური თავისტკივილის გარეშე ახერხებენ ნებისმიერი სირთულის, ერთი შეხედვით გადაუწყვეტავი პრობლემის გადაწყვეტას, ნებისმიერ საქციელზე შეიძლება წინასწარ განსაზღვრო თუ რა მოჰყვება ამას: დაბრუნება პირვანდელ მდგომარეობამდე.

მომხდარმა სკანდალმა(თუთბერიძის საქმე) მთელი ქართული სპექტრი შეაზანზარა, მამულიშვილების არმადები სანთლებით ხელში აპირებდნენ ერთი გოგოს დამარცხებას, დარწმუნებული ვარ თეა თუთბერიძე ყველას როზმარის ბავშვი ეგონა ამიტომაც იყო ასეთი პროტესტი, აბა ამდენი ხალხი პატრიარქს გაუმარჯოს დასაძახებად ხომ არ შეიკრიბებოდა??? თხა თხაზე ნაკლებიო და ერის ყველაზე დაუფასებელი ნაწილი, კლასად ქცეული ბიუროკრატია ”ინტელიგენციად” წოდებულნი დაირაზმა და ხმა აღიმაღლა კომუნისტური პარტიის ცენტრალური კომიტეტის შეურაწყოფაზე, აუ წამომცდა, უკაცრავად სხვა ეპოქაში ვყოფლივართ, საპატრიარქოს შეურაწყოფაზე და როგორც ჩვენი ერის რამდენიმე სინდისმა განაცხადა მზად იყო თავი გაეტეხათ თუთბერიძისთვის, სწორედ ისე გადაწყვიტეს ჩვენი პატრიარქის დაცვა როგორც ამას ჩვენი ქრისტიანობა გვასწავლის,სისხლით და მახვილით, თუ დაიცათ ქრისტიანობა მოყვასის სიყვარულს გვასწავლის???

სკანდალიდან ათი დღის თავზე ერთი შეხედვით პარადოქსალური რამ უნდა ვთქვა, ძალიან ცუდია რომ არ მოხდა ის რასაც ზოგიერთი იმუქრებოდა, არა არ ვგულისხმობ ვინმეს ცემას უბრალოდ ვსაუბრობ იმაზე რომ ამ ფაქტმა გვიჩვენა რომ ჩვენი საზოგადეობა მიიღებს ნებისმიერ იდეოლოგიას, ნებისმიერ აზრს, რომელიც თუნდაც არ მოსწონდეს და პროტესტი მხოლოდ სამ ოთხდღიანი იქნება, რა არა??? ადამიანების ერთმა ჯგუფმა(რომელსაც ასე თუ ისე მეც მივეკუთვნები) მიაყენა შეურაწყოფა ყველაე ავტორიტეტულს ჩვენი საზოგადოებისთვის ეკლესიას და მის მეთაურს და პროტესტი სამიოდე დღე გაგრძელდა. ეს გვაძლევს იმის საფუძველს ვიფიქროთ რომ ჩვენი საზოგადოება მზად არის მიიღოს ყველანაირი იდეოლოგია თუნდაც ყველაზე ამარზენი და საშინელი, ამისთვის მთავარია ხელისუფლებაში მყოფებმა ეს განახორციელონ. ასე რომ გარდა იმისა რომ საჭიროა ავტორეტების ნგრევა საჭიროა მგონი იმაზეც ვიფიქროთ რომ საზოგადოების გამოღვიძებაც არის საჭირო და ორი სამდღიანი პროტესტით შორს ვერც ჩვენ წავალთ და სავარაუდოდ ვერც ვერავინ.

იმდენად დიდია მოსახლეობაში და მის ასე თუ ისე პროგრესულ ძალებში ავტონომიზაციის დაუკებელი სურვილი რომ ვერაფერი აიძულებს ამ ადამიანებს რაიმე გადამწყვეტი ნაბიჯის გადაგმისკენ, მხოლოდ ერთეულები ცდილობენ რაიმეს შეცვლას და ისინიც სამწუხაროდ მარგინალიზაციას განიცდიან. სრულიად არის გამქრალი საზოგადოების აქტიური ნაწილის და პასიური ნაწილის კონტაქტი, ახალაგზრდობის პროგრესული ნაწილი ან ვირტუალურ სივრცეში ზის მთელი დღე და მეგობრების ვიწრო წრეში საუბრობს ან კიდევ კარიერას იკეთებს, ხოლო მოსახლეობა კი უბნის ბირჟებზე საუბრით იკლავს პროტესტის გრძნობას და დასკვნით გლეხის კაცისთვის არვინ არის საშუალებას აძლევს ნებისმიერს განახორციელოს ის რაც მას სურს ამისთვის მხოლოდ ხელისუფლებაში ყოფნა არის საჭირო.

არ ვიცი ოდესმე გამოვალთ თუ არა ოდესმე ამ ჩაკეტილი წრიდან მაგრამ გამოსვლა რომ საჭიროა ფაქტია..

სვეტი

19 ოქტომბერს კავკასიის საკვირაო გადაცემაში გასული სიუჟეტი პატრიარქის გაშარჟებასთან დაკავშირებით, ბოლო აკორდი იყო იმ დაპირისპირებაში რომელიც ბოლო პერიოდში ხან ძლიერდება ხან კიდევ პირიქით უკან იხევს. ჟურნალისტმა მაქსიმალურად შეეცადა რომ პრობლემა გაემუქებინა და დემონური სახე მიეცა ყველაფრისათვის, ფაქტია ავად თუ კარგად ეს მას გამოუვიდა.

სიუჟეტის ყურებისას პირველი რაც თავში მომივიდა ეს თავისუფლების ინსტიტუტის მარადიული დემონიზაცია რაც ძალიან ცუდია, ამ ჯგუფის დემონიზირება შარჟის და იეღოველობის მხარდაჭერის გამო პრინციპულად არასწორია, წესით ნორმალური საზოგადოებამ ეს ჯგუფი საეჭვო ეკონომიკური ”ნეო-ლიბერალური” დოქტრინის უაზრო პროპაგანდისთვის უნდა აკრიტიკოს და არა რაღაც სულელური შარჟებისთვის, მაგრამ ჟურნალისტები არცოდნის თუ სხვა მიზეზების გამო გაცილებით უფრო ცუდ საქმეს აკეთებემ ვიდრე თავად ჰგონიათ, ასეთი დემონიზირების შედეგად საზოგადოებაში მტკიცდება აზრი რომ ეს ჯგუფი ბევრ კარგ რამეს აკეთებს მაგრამ მხოლო ერთი ეშლებათ, იეღოველებს იცავენო, ახალგაზრდები არიან და გაუვლითო , შედეგად რელიგია ისეთივე მონსტრია ხოლო ეკონომიკური ბაზისი კი ისე დანგრეული რომ მის რეაბილიტაციას გვარიანად დიდი დრო დასჭირდება.

ამ შარჟმა დაგვანახა რომ ჩვენს საზოგადოებაში საპატრიარქოზე დამოკიდებული ხალხის მთელი პლეადა ჩამოყალიბდა,ხალხის რომლებისთვისაც საპატრიარქომ დაკარგა მისი პირვანდელი ფუნცქიები და რაღაც სხვად გადაიქცა, რაც სასაცილოსთან და სამარცხვინოსთან ერთად საშიშია, ეს ”ლომკაში” მყოფი ხალხი რას მოიმოქმედებს რთულია წინასწარ განსაზღვრო, მართალია გავრცელებული აზრია რომ მართლმადიდებლები არაგრესიულები არიან და არასოდეს გაუკეთებიათ, ის რასაც ”ცუდი” კათოლიკეები აკეთებდნენო, მაგრამ ვაი რომ რუმინელმა მართლმადიდებლებმა მეორე მსოფლიოს ომის დროს ისეთი რაღაცეები აკეთეს რელიგიური მოტივებით, რომ თვით მრავლისმნახველი გერმანელებიც აღაშფოთეს. მტკიცება რომ აქაოდა ეს გველის მინიმუმ არასწორია მაგრამ როდესაც ახლა ვკითხულობ 30 იანი წლების ანტიფაშისტურ სტატიებს იქაც აშკარად ჩანს რომ ანტიფაშისტების მოწოდებებზე ნეიტრალების პოზიცია გამოკვეთილი იყო და პირდაპირ ამბობდა რომ შეუძლებელია განვითარებულ საზოგადოებაში რაიმე ცუდი მოხდესო, მაგრამ ვაი რომ ცდებოდნენ, ასე რომ სჯობს წინასწარ ვისაუბროთ ის საფრთხეებზე რასაც გვიქადის საპატრიარქოს საკრალიზაცია.

არ შემიძლია არ ვისაუბრო თავად პატრიარქზე, მეტად საინტერესო ფენომენია, პირადად მე მიუხედავად იმისა რომ თავად რელიგიის მიმართ არცთუ კარგი დამოკიდებულება მაქვს აშკარად მესიმპატიურება და ამის მიზეზი ”ჩვენი” პატრიარქის საქციელია. საბჭოთა კავშირში დამკვიდრებული საუკეთესო ტრადიციებიდან გამომდინარე ილია II ყველა არსებული ხელისუფლების ლოიალური ოპოზიცია იყო, მუდამ არაერთმიშვნელოვნად ამბობდა ლაითად კრიტიკულ ორაზროვან ფაქტებს და როდესაც მრევლს გაუჩდებოდა მოლოდინი, რომ კონრეტულ მომენტში პატრიარქი იტყოდა რამეს და მდგომარეობას ან განმუხტავდა ან პირიქით მისი სიტყვით რაიმე გადაწყტდებოდა, ტაქტიკურ უკანდახევას ახდენდა და მადლიერი ხელისუფლება შესაბამისად აფასებდა. ახლაც კარგად მახსოვს 7 ნოემბრის შემდეგ როდესაც ჩემი ოჯახის წევრებიც კი(მორწმუნე ნაწილი) მეუბნებოდა რომ აგერ ნახავ ილია II მალე იტყვის სათქმელს და შემდეგ ვერავინ შეაჩერეს ქართველ ხალხსო, ნოემბრის ბოლოს, ხელისუფლების მიერ საპატრიარქოსთვის გადაცემულმა ტოიოტის მარკის ჯიპებმა ჩემში შესაბამისი ცინიკური კომენტარები ხოლო სხვებში კი იმედგაცრუება და თავდაცვითი რეაქცია პატრიარქმა ჩვენზე უკეთ იცის გამოიწვია. არ შეიძლება არ გაიხსენო პატრიარქის მეგობრობა სხვადასხვა ოდიოზურ ფიგურებთან, საეჭვო კავშირი რუსეთის მაღალჩინოსნებთან და ასე შემდეგ მაგრამ მთავარი ის არის რომ ილია მეორემ მოახერხა და დღეს მისი ტახტი უკვე იმდენად იდეალიზირებულია რომ პოსტ ილიასეულ პერიოდში სერიოზულად უნდა გვეშინოდეს, რადიკალების მოსვლის შემთხვევაში საინტერესო რაღაცეები იქნება.

თუთბერიძის გაპიარებულ ვიდეოზე კი მინდა ვიფიქრო რომ ეს არ იყო საპირისპირო ნაბიჯი, თავად ქალბატონი თეას ”პატრიარქის”, პრეზიდენტის ირიბ გაკრიტიკებაზე რომელიც ახლახანს ილია მეორემ განახორციელა, როდესაც უხეირო გემის კაპიტანზე საუბრობდა, მაგრამ მისი პოლიტიკური მრწამსმის გამო ამაში ეჭვი მეპარება, ასეა თუ ისეა პატრიარქის კრიტიკა საჭიროა და აუცილებელიც კი მით უმეტეს იუმორი ერთ-ერთი ყველაზე დამანგრეველი ძალაა, მაგრამ ასეთი კლიპები უკუშედეგს იღებს, ასე რომ ცოტა ჭკუა დაატანეთ რა.

შევეშვათ რელიგიას და ფეხბურთზე გადავიდეთ ჩვენ ნაკრებმა კვლავ არ გაგვიცუა იმედები და ბულგარეთთან კი არ დამარცხდა არამედ უბრალოდ განადგურდა, თან ისე როგორი ტრადიციაც გვაქვს ბოლო წლებში, უშანსოდ და ყოველგვარი სინანულის გარეშე. რაც მთავარია საქართველოში ორი სტრუქტურა არსებობს რომელიც თეზისს რომ ”უარესი არ არსებობს” აქარწლებს, საქართველოს მთავრობა და ჩვენი ფეხბურთის მესვეურები დიდი ხანია გვეუბნებიან რომ არსებობს, უარესი არსებობს.

ქართული ოპოზიცია შეიკრიბა, ისაუბრეს და როგორც იქნა გამოსავალს მიაგნეს, ჩვენი პრობლემა სააკაშვილია და ერთმანეთის კრიტიკა უნდა შეწყდეს, ვერ დაიჯერებთ მაგრამ ეს მთავარი ოპოსიახლეა, როგორ დავიჯერო რომ ოპოზიციაში ერთი ადამიანიც არ არის რომელსაც განსხვავებული აზრი აქვს??? მოკლედ კიდევ ერთი ეპოქალური სვლა დაიწყო მიტინგებისკენ, რომელიც როგორც გული მიგრძნობს ისეთივე შედეგიანი იქნება როგორიც წინა მიტინგები იყო, ხელისუფლებას ხომ აღარავინ ესალმება??? არ მესმის როგორ ახერხებს ჩვენი ოპოზიცია არ დაინახოს ხალხის პროტესტის სოციალური კონტექსტი, გთხოვთ გაიგეთ რა ხალხი არ გამოდის იმიტომ რომ მოკლეს გირგვლიანი, მით უმეტეს იმის მერე რაც ეს თემა ასე გაცვდა, სოციალურ საკითხებზე მხოლოდ ლეიბორისტები საუბრობენ მაგრამ ბატონი შალვას პარტია ბურჟუაზიული სისტემის სოც-ები არიან, მათი რადიკალიზმი მხოლოდ ლოკალურია,სატელევიზიო და ბრძოლა არა ხელისუფლებთან აქვთ არამედ სხვადასხვა ჯგუფებთან, ხოლო რადიკალურებად წოდებულნი კი ისევ აბსტრაქციების იმედზე ცდილობენ გამოიყვანონ ხალხი გარეთ, მე კი აღარ გავალ, მიტინგების პერიდოში რამდენიმეჯერ დავწერე რომ ლენინი გვჭირდება თქო(ბევრმა ბუნებრივია პირდაპირ გაიგო) და როგორც ჩანს მართალი ვიყავი, ჩვენ ადამიანი გვჭირდება რომელიც საზოგადოებას კიდევ ერთ თეზისებს შესთავაზებს და ეს თეზისები მოსახლოების მოთხოვნებიდან იქნება გამომდინარე და არა ზოგიერთი ბურჟუას პირადი იდეებიდან.

მარქსისტული კარიკატურა

შეთქმულების მემარცხენე თეორიები

დამპალი მარქსისტები

შესაძლებლობები

თავისუფალი კონკურენცია

მართვის ოქროს წესი

ოთხშაბათის სვეტი

წინა კვირის საინტერესო მოვლენებს შორის ბუნებრივია უმთავრესი ტალიავინის კომისიის დასკვნა იყო, ხუმრობა ხომ არ არის ერთწლიანი მოლოდინის შედეგად დაიდო დასკვნა იმაზე თუ ვინ დაიწყო ომი და ვინ იყო სინამდვილეში ”ბოროტება” ხოლო ვინ იყო ”წამებული”.

რატომღაც ჩვენთან რამდენიმე არასწორი მოლოდინი იყო ამ საკითხის ირგვლივ, პირველი ეს იყო ის რომ სააკაშვილს როგორც უხეირო ავანტურისტს ამ დასკვნის შედეგად დასჯიდნენ და ჰააგაში წააცუნცულებდნენ, მეორე ის იყო ამ დასკვნის შედეგად რუსეთს გამოაცხადებდნენ მონსტრად და მსოფლიო მისგან ნავთობს თუ არა იყიდდა მინიმუმ იზოლაციაში მოაქცევდა, ნუ კიდევ იყო რამდენიმე სასაცილო ვერსია მაგრამ მათი ტოტალური სისულელის გამო გახმოვანებას აზრი არ აქვს, ისე გულწრფელად ვაღიარებს მიხარია რომ გვეღირსა ეს დასკვნა იმიტომ რომ ეს საშუალებას აძლევს ქართულ საზოგადოებას და მით უფრო ”ექსპერტებს” შეეშვან ახალი ფანტასტიური რომანების წერას და ახლა კიდევ უფრო სასაცილო საქმიანობაზე დასკვნის ანალიზზე გადავიდნენ.

დავიჯერო ასეთი გაუგებარია ეს ნაწერი??? შავით თეთრზე დებილებისთვის წერია ორი რამ დამნაშავე ორივეა, ჩვენ იმიტომ რომ შევარდით ცხინვალსი ხოლო რუსები იმიტომ რომ რა უნდოდათ სენაკში და ასე შემდეგ, მოკლედ ტიპური ევროპული მიდგომა, ქუჩის აკადემიაში აპრობირებული ტერმინით რომ ვთქვათ ”გატისკეს” ორივე.

მაგრამ დასკვნა დასკვნად მაგრამ იცით რა მაღელვებს??? ნუთუ ასე ძნელია ღირსეულად ომის წაგება??? ნუთუ ასე დაგვინგრევს ეს ჩვენს ეგოს რომ ვაღიაროთ რომ ომი წავაგეთ???? წავაგეთ იმიტომ რომ..აქ ძალიან ბევრი ობიექტური და სუბიექტური მიზეზი არის მაგრამ მთავარია ვაღიაროთ რომ ომი წაგებულია იმიტომ რომ ჩვენ თუ ამას ვერ ვაღიარებთ ვერ მოვარხერხებთ ვერანაირ წინსვას… ომის წაგებას ასე თუ ისე გადავიტანდით რომ არა ჩვენი ისტორიისადმი ”ვალდებულება”, ძალიან დიდია ნებისმიერი მომავალი ხელისუფლების ვალდებულება ჩვენი ისტორიის მიმართ, შეუძლებელია ადამიანი რომელიც გაიზრდება მითზე რომელიც მას მკაცრად ეუბნება რომ ერთი ქართველი მუდამ ნებისმიერი შემთხვევაში ამარცხებდა 15 ჯერ მეტ მომხვდურს, ხოლო თუ ის ამას ვერ ახერხებდა ის სუსტი მეფე იყო, სანამ ეს სისულელე არის დაბეჭდილი ჩვენს წიგნებში მანამდე ნებისმიერი ქართველი არაცნობიერის დონეზე მზად არის ეომოს რუსეთის არმიას, თან ისე რომ მცირე ნაბიჯიც კი არ გადადგას რაიმე დიპლომატიური მხარისკენ.

გუშინ ალექსანდრე ტარასოვის სტატიას ვკითხულობდი(ძალიან მიყვარს ეს რუსი პოსტ-მარქსისტი, უნიკალური ტიპია საბჭოეთის დროს კომუნისტობის გამო იჯდა ციხეში,სადაც წამების ყველა მეთოდი გამოსცადა, რადიკალია და ძალიან საინტერესოდ წერს თანამედროვე რუსი ახალგაზრდების პრობლემებზე) სადაც ლენინის კარგ ციტატას მივაგენი, დემოკრატიულ ლიბერალურ არჩევნებზე, ვეცდები ვთარგმო ”არჩევნების დროს ჩაგრულებს აძლევენ საშუალებას თავად აირჩიოს რამდენიმე მჩაგვრელიდან ერთ-ერთი”, ნუ პირველი რეაქცია ის იყო რომ გულიანად გამეცინა იმიტომ რომ მეც დაახლოებით ანალოგიური მიწერია ერთ-ერთ პოსტში მაგრამ ამავდროულად ასოციაციურად გამახსენდა ჩვენი ფეხბურთის ფედერაციის არჩევნები, ჩვენი ხელისუფლება უკვე ისეთ დონეზე მივიდა ყველანაირი ჭეშმარიტება დაიკიდა და პირდაპირ ასარჩევად ერთი კაცი მისცა საზოგადოებას, რაც არ უნდა დაუჯერებელი იყოს ამ ”ერთადერთმა” კანდიდატმა არჩევენებში გაიმარჯვა, თავიდან არ მჯეროდა მაგრამ ფაქტს ვერ გავექეცი ერთკაციან არჩვენებში კანდიდატმა გაიმარჯვა.

წინა კვირას მისმა აღმატებულებამ საქართველოს პრეზიდენტმა რამდენიმე შთამბეჭდავი სიტყვა წარმოთქვა, დუშელებთან წამოცდა რომ კიდევ კარგი პრეზიდენტად შალვა ნათელაშვილი არ მოგაჯდათო, იხარე ქართველო ერო მიხეილ სააკაშვილის მოჯდენა კარგია მარგამ აი შალვა ნათელაშვილი დაუშვებელიაო, მერე გაახმოვანა ინიციატივა რომ აქაოდა ეკონომიკური ლიბერალიზაცია კონსტიტუციაში ჩავწეროთო, რაც მთავარია არის ალბათობა რომ ეს ნოვატორული აღმოჩნდეს და მალე მოვისმინოთ ახალი სიმღერა ყველაზე პროგრესულ კონსტიტუციაზე რომელიც უცხოელ ინვესტორებს დაიცავს, სასაცილოა მაგრამ ასეა…

წლების წინ სკოლასი სწავლის დროს მომიწია აჭარის ბავშთა ოპერის კონცერტზე წასვლა, იმდენაც საშინელება იყო რომ იმის შემდეგ ინსომნია დღემდე ვერ მოვიშორე მაგრამ მთავარი ის არის რომ როგორც გამოირკვა ის ანსამბლი მსოლფიოში ერთადერთი იყო, პატარაობიდან მეტყობოდა სკეპტიციზმი და როდესაც დამაინტერესა თუ როგორ დაემართა საოპერო მონსტრ ქვეყნებს რომ აჭარამ მოასწრო თქო ამის გაკეთება თქო, პასუხი მარტივი იყო არ შეიძლება პატარა ბაშვების იოგების დატვირთვა ამ დონეზე და სხვები ასეთ რამეს არ გააკეთებენო, მოკლედ ეს ყველაფერი იმას მოვაყოლე რომ სააკაშვილი ნელ-ნელა ემსგავსება ბაბუს.ისე იგივე მსოფლიოშ ყველაზე სწრაფი კატარღები, ყველაზე მაგარი კორტები და ყველაზე ლამაზი პირამიდა ბათუმის ბულვარში…

პ.ს ეს კვირა ჩემთვის მძიმე იყო, პატარა ანი ისევე მალევე გაფრინდა ჩვენი ცხოვრებიდან როგორც მოფრინდა, ჩემი დეიდაშვილის პატარა ბაიამ ვერ გაუძლო იმ განსაცდელს რომელიც მას დაემართა და მხოლოდ ჩვენს მოგონებების სამყაროში გადაინაცვლა, მშვიდად იძინე ანა….